Një situatë e pazakontë është regjistruar në Lagunën e Nartës, ku niveli i ujit ka pësuar rritje të ndjeshme, duke përmbytur sipërfaqe të tëra përreth. Prifti i manastirit, Jani Tereziu, e cilësoi fenomenin si të rrallë për zonën, duke theksuar se përmasa të tilla nuk janë parë më herët. Në terren kanë qenë edhe përfaqësues të pushtetit vendor, të cilët kanë inspektuar situatën dhe kanë premtuar pastrimin e kanalit për normalizimin e gjendjes, teksa banorët e zonës kërkojnë masa urgjente për të shmangur dëme të mëtejshme. Ndërkohë, Drejtoria Rajonale e Trashëgimisë Kulturore Vlorë ka zhvilluar inspektime për të verifikuar gjendjen e monumenteve dhe strukturave përreth.