Një aksident rrugor ka ndodh në aksin rrugor Bulqizë-Peshkopi në Fushë Bulqizë ku një mjet ka dalë nga rruga dhe për pasoje janë plagosur shoferi dhe një nga pasagjerët. Ngjarja ka ndodhur rreth orës 22:00 të mbrëmjes së kaluar. Siç shihet edhe nga pamjet makina është përmbysur në pjesën anësore të rrugës. Aksidenti fillimisht është pikasur nga drejtuesit e automjeteve të cilët kanë njoftuar policinë. Pas aksidentit ambulanca ka transportuar dy të plagosurit drejt spitalit të Bulqizës, ku u është dhënë ndihma e parë. Burime pranë këtij spitali bëjnë me dije se të plagosurit janë jashtë rrezikut për jetën. Ndërkohë policia ka nisur hetimet për shkaqet e këtij aksidenti, ndërkohë burime pranë policisë bëjnë me dije se shkak i aksidentit ka qenë humbja e kontrollit të të drejtuesit të automjetit, por nuk përjashtohet edhe shpejtësia e madhe.