Artikuj të shumtë janë publikuar në mediat e huaja lidhur me përfshirjen e SHBA në konfiktin mes Rusië dhe Ukrainës, ku në disa prej tyre, shkruhet se Amerika ka si qëllim të dobësojë Rusinë në arenën botërore. Të tillë artikuj, janë publikuar më së shumti në mediat britanike, ndërsa lidhur me këtë supozim ka folur Sekeratari i Mbrojtjes i Shteteve të Bashkuara të Amerikës Lloyd Austin. Ky I fundit vizitoi këtë të martë bazën amerikane në Raimstein, Gjermani, ndërsa komentoi luftën në Ukrainë, por iu përgjigj dhe kësaj pyetje, pra nëse SHBA ka apo apo jo një qëllim të tillë. Austin i hodhi poshtë pretendimet e ngritura për një gjë të tillë, teksa shtoi se SHBA-të kanë për qëllim vetëm ti japin fund këtij konflikti që po u merr jetën mijëra civilëve. "Fqinjët, aleatët dhe partnerët e Ukrainës po rriten për t'u siguruar që të kenë atë që u nevojitet në mënyrë që të jenë të suksesshëm dhe të fitojnë luftën" tha Austin në një intervistë në rrjet. "Ukrainasit janë atje duke luftuar për të mbrojtur sovranitetin e tyre."- deklaroi ai.