Kryeministri Edi Rama ka publikuar disa prej risive që do të përfitojnë drejtuesit e mjeteve pas kalimit të Kontrollit Teknik të Mjeteve Rrugore (kolaudimi) nën administrimin e shtetit. Rama bën të ditur ndër të tjera se makinat e reja, 3 vitet e para nuk do kalojnë në kolaudim. Rama e quan absurd koncesionin e kontrollit teknik të mjeteve rrugore, teksa shton se ky shërbim do t'i kthehet shtetit dhe do të kryhet nga drejtoria e përgjithshme e transportit rrugor dhe nga janari 2021 do të ketë disa risi që do të lehtësojnë drejtuesit e 630 mijë automjeteve. Eshtë menduar që mjetet e reja me zero kilometra 3 vitet e para nuk do kalojnë në Kolaudim. Mjetet e përdorura nga 1 herë në vit do ta kryejnë kolaudimin 1 herë në 2 vjet. Mjetet taksi, autoshkolla dhe mjetet e transportit të mallrave dhe udhëtarëve nga çdo 6 muaj do ta kryejnë kolaudimin vetëm 1 herë në vit! Tarifat aktuale nuk do të rriten, megjithëse afati i vlefshmërisë zgjatet Sipas Ramës, radha famëkeqe e stresit dhe humbjes së kohës "tek Kolaudimi" do marrë fund, ndërsa shton se cilësia e shërbimit do të rritet, duke u përafruar me Direktivat e Bashkimit Europian.