Zbulohen detaje të reja në lidhje me inskenimin e vdekjes në Pukë të biznesmenit italian, Davide Pecorelli. Mediat italiane shkruajnë se nga verifikimet e kryera deri më tani, hetuesit dyshojnë se biznesmeni italian, i cili së fundmi jetonte si rumun, është ndihmuar nga një prift në vendin tonë për të kaluar kufirin. Prifti,emri i të cilit nuk bëhet i ditur, mendohet ta ketë dërguar Pecorellin nga Shqipëria deri në një manastir në Medugorje, në Bosnjë. Sipërmarrësi tha se po kërkonte një thesar në Medjugore, të cilin nuk e gjeti kurrë. Sipas mediave italiane, ai ishte frymëzuar nga disa fjalë të papa Françeskut. “Në Medjugore është Hiri i Tënzot. Ka njerëz që kthehen në Udhën e HYJIT aty”, kishte deklaruar Papa disa vite më parë. Gjatë marrjes në pyetje nga prokurori Raffaele Cantone, ish-gjyqtari italian i futbollit është shprehur se ka probleme ekonomike. “Vendosa që të zhdukesha sepse jam i zhytur në probleme ekonomike. Jam praktikisht i rrënuar”, ka thënë Pecorelli para prokurorit. Biznesmeni italian, i cili së fundmi jetonte si rumun, inskenoi vdekjen e tij në Pukë, ku u gjet makina e tij e djegur, ndërkohë që hetime për zhdukjen e tij u ndërmorën në të dy shtete sin ë Itali dhe në Shqipëri. Ai qëndroi i fshehur për më shumë se 9 muaj. Por gjithçka mori fund pasi pak ditë më parë tërhoqi para në një bankomat në ishulin Italian Giglio dhe banka dërgoi mesazh ish të dashurës së tij dhe ortakut. Më pas policia e vuri në vëzhgim dhe një tjetër incident shënoi edhe fundin e arratisë së tij. Gomonia që ai kishte marrë më qera pësoi avari në det dhe aty u arrestua nga karabineierët italianë që po ruanin të gjitha lëvizjet e tij.