Mazhoranca dhe opozita jashtëparlamentare, ende nuk kanë arritur një dakordësi për hapjen e listave për deputetë në zgjedhjet e ardhshme. Mazhoranca insiston në hapjen 2/3 e listave, ndërsa opozita ka dalë me propozimin për 100% të tyre. Lidhur me kërkesën e mazhorancës, Sekretari i Përgjithshëm i PD, Gazment Bardhi, shpehet se ndryshimi i njëanshëm i kushtetutës, tregon se kryeministri Rama vijon koalicionin me krimin. Përmes një postimi në Facebook, Bardhi shkruan se Rama është i braktisur nga qytetarët, dhe tenton të prishë rregullat e lojës, pasi frikësohet nga humbja e zgjedhjeve. ‘Zgjedhjet në Shqipëri nuk i ka dëmtuar pjesëmarrja e partive politike në zgjedhje, por bashkëpunimi i Damianit me Ymer Lalat në blerjen e votave, bashkëpunimi i Vangjushit me Avdylajt në caktimin e kandidatëve dhe kërcënimin e votuesve, shkruna nder te tjera ne statusin e tij Sekretari i Përgjithshëm i PD, Gazment Bardhi.