Partia Demokratike do të mbledhë kryesinë këtë të enjte, ku do të merren në analizë zgjedhjet e 25 prillit dhe ajo që selia blu e konsideron masakra zgjedhore. Anëtarët e kryesisë janë vënë në dijeni për mbledhjen nga sekretari i përgjithshëm i PD Gazment Bardhi. Përvec analizës zgjedhore, kryesia demokrate do të diskutojë për ndryshimin në Statutin e partisë, miratimin e urdhrit për ngritjen e Komisioneve të Votimit dhe Numërimit për zgjedhjet e anëtarëve të Këshillit Kombëtar. Në mbledhje pritet që kryetari Lulzim Basha të bëjë publike listën që do të propozoihet propozojë për votim për kandidatët për anëtar të Këshillit Kombëtar. Ndërsa të mërkurën është parashikuar të zhvillohet edhe mbledhja e Komisionit të Përhershëm Statutor që do të shprehë mendimin lidhur me propozimet që do të bëhen deri të martën nga anëtarë të komsuionit, të kryesisë, kryetari i PD apo edhe nga përfaqësues të strukturave të tjera. Kryesia e pd mblidhet për herë të parë pas zgjedhjeve të zhvilluara një muaj më parë ku u u votua për zgjedhjen e kryetarit të partisë. Mes 4 kandidatëve në garë shumica dërrmuese e anëtarësisë së PD konfirmuan në një mandat të tretë Lulzim Bashën si kryetar.