Zbardhet lista e 140 kandidatëve të Partisë Demokratike në qarkun e Tiranës, të cilët do të votohen të shtunën nga anëtarësia për të kaluar në fazën tjetër të përzgjedhjes. Në listë vihen re emrat e disa politikanëve të vjetër demokratë si Arben Ristani, ish kryetari I bashkisë së Kamzës, Xhelal Mziu, ish-kryetarit të bashkisë Vorë Fiqiri Islamili, si apo edhe një prej ish funksionarëve të lartë të policisë, Erzen Breçanit. Ndërkohë, pjesë e listës janë edhe ish futbollisti I kombetares Andi Lila, futbollisti dhe ish-kapiteni I Tiranes, Gentian Muça regjisori që luajti rol protagonist në kundërshtimin e ndërtimit të teatrit të ri, Robert Budina dhe ish atletja Koldiana Shala. Pjesë e listës për Tiranën nuk është ish-kryeministri Sali Berisha dhe kreu i PD-së Lulzim Basha. Ende nuk dihet se ku do të kandidojnë dy figurat kryesore të PD-së, por sipas rregullores së miratuar nga kryesia e demokratëve këta kanë të drejtë të futen në lista edhe pa kaluar nga procesi I përzgjedhjes nga anëtarësia. Procesi i votimit për kandidatët pritet të zhvillohet ditën e shtunë, më 10 tetor.