Kina i ka bërë thirrje SHBA t’I qëndrojë betimit të bërë, se nuk do e mbështesë pavarësisnë e Tajvanit. Ëang Yi ministri I jashtëm kinez në një takim me Jake Sullivan, këshilltarin për siguri kombëtare të SHBA, I tha atij se Uashingtoni duhet të respektojë zotimin e bërë. Të paktën kështu bëri me dije ministria e jashtme kineze, e cila ndau detaje nga takimi i dy zyrtarëve. Ëang tha se zgjedhjet e fundit të mbajtura në Tajvan nuk kanë ndryshuar faktin që ishulli është pjesë e Kinës dhe se sfida më e madhe në raportet Kinë-SHBA është “çështja e pavarësisë së Tajvanit”, u tha në njoftimin e Ministrisë kineze. Ministri I jashtëm i Kinës po ashtu u shpreh se të dyja palët duhet të shfrytëzojnë 45-vjetorin e vendosjes së raporteve diplomatike mes dy vendeve si mundësi për të reflektuar në përvojat e së shkuarës dhe ta trajtojnë njëra-tjetrën si palë të barabarta. Nga ana tjetër presidenti amerikan, Joe Biden, ka thënë se ai nuk mbështet pavarësinë tajvaneze, sepse ligji amerikan kërkon një mbrojtje të besueshme për Tajvanin dhe për SHBA-në që t’i trajtojë të gjitha kërcënimet për ishullin si çështje “të shqetësimit të madh”. SHBA-ja dhe Kina kanë një sërë mosmarrëveshjesh, nga ato ekonomike e deri te ato gjeopolitike. Kina pretendon se ishulli vetëqeverisës i Tajvanit është pjesë e territorit të saj, dhe viteve të fundit ka rritur aktivitetet përreth ishullit, duke dërguar anije dhe avionë.