Operacioni Forca e Ligjit iu ka dërguar katër personave te denuar per terrorizem kërkesë për deklarimin e burimeve të pasurisë. Bëhet fjalë për Astrit Tolën, Orion Reçin, Shkëlzen Dumanin dhe Saimir Alimehmetin. Këta shtetas janë emra jo pak të dëgjuar për opinion publik dhe drejtësinë, pasi njihen ndryshe si “xhihadistët shqiptarë”. Astrit Tola, Orion Reçi, Shkëlzen Dumani dhe Saimir Alimehmeti janë të dënuar për lidhjet e tyre me terrorizimin dhe rekrutimin e personave me qëllim kryerjen e akteve terroriste. Konkretisht, Astrit Tola i dënuar për veprat penale “Nxitja, thirrja publike dhe propaganda për kryerjen e veprave me qëllime terroriste”, kryer në bashkëpunim dhe “Nxitja e urrejtjes ose grindjeve”, kryer në bashkëpunim; Orion Reçi, i dënuar për veprat penale “Rekrutimi i personave për kryerjen e veprave me qëllime terroriste ose të financimit të terrorizmit”, kryer në bashkëpunim, “Nxitja, thirrja publike dhe propaganda për kryerjen e veprave me qëllime terroriste”, kryer në bashkëpunim dhe “Nxitja e urrejtjes ose grindjeve”, kryer në bashkëpunim; Në sitën e OFL-së edhe Shkëlzen Dumani, për të cilën Gjykata e Shkallës së Parë për Krimet e Rënda ka caktuar masën e sigurimit “Arrest në burg”, pasi dyshohet se ka kryer veprat penale “Rekrutimi i personave me qëllim kryerjen e veprave terroriste”, “Nxitja, thirrja publike dhe propaganda për kryerjen e veprave me qëllime terroriste” dhe “Nxitja e urrejtjes ose e grindjeve”;