Pastrimi I parave në Gjermani ka pësuar një rritje rekord. Zyra Federale kundër Pastrimit të Parave në këtë vend ka marrë gjatë vitit të kaluar 114.914 njoftime të tilla, cka përbën një rritje prej gati 50% krahasuar me një vit më parë. Sipas gazetës "Tagesspiegel" , pjesa më e madhe e njoftimeve për këtë fenomen shqetësues vjen nga bankat gjermane dhe institucionet e tjera financiare, si dhe nga noterë, agjentë pasurish të patundshme dhe pronarë sallonesh lojërash dhe pikash te basteve.