Reshjet e shiut thuajse në të gjithë vendin shkaktuan probleme në disa zona të vendit, ndërsa sinoptikanët kanë parashikuar që situata do të jetë më e rënduar të dielen dhe të hënën. Gjatë të shtunës, sasia më e madhe e shiut ka rënë në Shkodër, 40 milimetra, ndërsa në Tiranë 32. Më pak reshje ka pasur në Pogradec edhe në Korçë. Në Tiranë stuhia e fortë e erës që përfshiu territorin mesnatën e së shtunës ka shkulur dhjetëra pemë në rrugët dhe sheshet kryesore të kryeqytetit, ndërsa punonjësit e bashkisë punuan në terren për normalizimin e situatës. Kryetari i bashkisë së Tirnaës, Erion Veliaj, përmes një postimi në rrjetet sociale ka konfirmuar se janë shumë pemë të rrëuara në të gjithë Tiranën. Ai u ka bërë thirrje qytetarëve që nëse nuk kanë ndonjë urgjencë të mos dalin në rrugë, derisa situata në rrugë të normalizohet. Edhe në Shkodër era e fortë ka rrëzuar dhjetëra pemë disa vjecare. Demi me i madh eshte shkaktuar ne unazen Perendimore te qytetit, ku pemet jane rrezuar duke demtuar edhe disa makina. Niveli i ulet i ujit ne hidrocentralet mbi lumin Drin, hedh poshte cdo mundesi permbytje ne zonat e NenShkodres. Ndersa në Bulqizë si pasojë e reshjeve të shiut dhe ererave të forta në Bulqizë ka pasur nderprerje te energjise elektrike. Ndërhyrjet në terren nga grupet të punës së oshee kanë rikthyer energjinë në qytetin e bulqizës, por ajo mungon edne në dia njësi administyrative. në zonat e tjera të vendit nuk raportohet për deme apo pasoja nga stuhia. Jo pak probleme janë shkaktuar edhe në portet e vendit. Dy tragetet e linjës Durrës-Bari për shkak të detit të dallgëzuar nuk u nisën natën e së premtes, po rmëngjesin e së shtunës. Ndërkohë tragetet nga Bari nuk kanë pasur vonesa në lundrim. Sinoptikanët kanë bërë një parashikim 5 ditor të reshjeve të shiut dhe sipas tyre në Shkodër do të ketë reshje në 160 milimetra, ndërsa edhe Tirana përfshihet në zonat e rrezikut.