Vetëm pak ditë më parë Qeveria përmes një akti normativ shtyu afatin e pasaportave biometrike. Për të gjithë ata qytetarë, pasaportat e të cilëve skadojnë deri në 31 dhjetor të vitit 2020 do të jenë të vlefshme. Pra, nëse një shqiptar ka një pasaportë që skadon në çdo datë të muajve të mbetur, apo edhe më pare, deri në fund të vitit do të marrë shërbim. Ky lajm është mirëpritur, por ka pasur edhe reagime. Ata që më së shumti kanë kërkuar shpjegime janë emigrantët shqiptarë, të cilët duan të dinë nëse është informuar apo jo sistemi ndërkombëtar për këtë akt normativ. Madje, emigrantët kërkojnë të dinë, nëse informimi përfshin vetëm pikat kufitare, apo ka vlefshmëri edhe në banka, deklarimet tatimore, transaksionet bankare e të tjera.