Top News-Pas temperaturave ekstreme reshje e stuhi/Mesdheu do të ‘tronditet’ në fund të muajit gusht

Stuhi të fuqishme priten të përfshijnë Mesdheun me fundin e gushtit dhe ardhjen e vjeshtës. Një gjë të tillë paralajmëroi Caroline Jane Muller, një studiuese e qendrës nacionale të kërkimeve shkencore. Kjo e fundit tha se kjo vapë e jashtëzakonshme ka ardhur edhe si pasojë e mungesës së erës, pasi deti nuk trazohet dhe për pasojë akumulohet nxehtësi. “Kjo situatë e jashtëzakonshme është e lidhur me bashkëshoqërimin e dy faktorëve. Ne po përjetojmë një verë veçanërisht të nxehtë dhe të thatë. Kësaj vape të jashtëzakonshme i shtohet edhe një mungesë totale e erës. Deti nuk trazohet fare dhe akumulon nxehtësi” – tha Muller, ndërsa shtoi se këtë verë temperatura e ujit ka qenë 5 gradë më shumë se normalja.