Ambasadorja amerikane Juri Kim ndodhet në Elbasan ku ka ndërmarrë një seri takimesh me përfaqësues të partive politike dhe kandidatë që garojnë në këtë qark. Takimet e diplomates amerikane zhvillohen vetëm dy ditë pas publikimit dhe dorëzimit në KQZ të listave shumërmërore të kandidatëve. Mbarëvajtja e fushatës dhe ecuria e metejshme e procesit elektoral mësohet se ishin në fokus të këtyre takimeve. Fillimisht ambasadorja është takuar me drejtuesin politkk të PS për qarkun e Elbasanit Taulant Balla që garon si kandidat në këtë qark. Më pas u takua edhe me përfaqësuesin politik të PD Gazmend Bardhi, i cili gjithashtu kandidon në këtë qark. Më pas Juri Kim është takuar edhe me kryetaren e LSI Monika Kryemadhi që gjithashtu kandion në Elbasan. Kryemadhi ka thënë pas takimit se çështja e fushatës elektorale në këtë qark ishte tema kryesore e diskutimit me ambasadoren Juri Kim. Edhe përfaqësuesja e nismës #Thurje Rudina Hajdari ka zhvilluar nëj takim me ambasadoren Juri Kim. Kujtojmë se ambasadorja amerikane më herët në deklaratat e saj ka u bërë thirrje partive politike që të përfshijnë në listat e kandidatëve emra me integritet dhe të mbajnë larg të inkriminuarit dhe të korruptuarit.