Pas ujit që vërshoi në rrugët kryesore të Vlorës, përmes një videoje të postuar në rrjetet sociale, kryeministri Edi Rama ka treguar gjendjen e normalizuar në zonën historike të qyteti bregdetar. Rama njëkohësisht me videon aktuale poston edhe përmbytjen e ndodhura vite më parë po në Vlorë, e duke replikuar me ata që anatemuan qeverinë për situatën e fundit në Vlorë. “Me këto pamje nga e njëjta rrugë në zonën historike të Vlorës, marrë nga i njëjti kënd pas të njëjtave reshje shiu, duke u thënë të gjithë atyre që përqeshnin këto ditë “përmbytjen” e Vlorës,apo në përgjithësi atyre që s’e bëjnë dot dallimin mes të sotmes e të djeshmes kur bie shi, se është koha për ta freskuar pak kujtesën, si edhe duke i garantuar të gjithë se edhe në këtë drejtim, më e keqja ka ikur ka kohë pas krahëve tona dhe më të mirën e kemi të gjithën” shkruan kryeministri Rama në Facebook.