37 militantë të lidhur me grupin ekstermist të shtetit Islamik dhe atë të Al-Qaedas u vranë nga ushtria amerikane gjatë dy sulmeve ajrore të ndërmarra së fundi. Ushtria tha se dy prej viktimave ishin militant të lartë. Sulmi sipas Komandës qëndrore të SHBA u zhvillua në veriperëndim të Sirisë. Ushtria amerikane njoftoi gjithashtu se kreu një sulm më 16 shtator ndaj një kampi stërvitor të Shtetit Islamik në një lokacion të largët të pazbuluar në Sirinë qendrore. Në atë sulm u vranë 28 militantë, përfshirë “së paku katër liderë sirianë”. “Sulmi ajror do t’ia pamundësojë Shtetit Islamik të kryejë operacione kundër interesave amerikane, si dhe kundër aleatëve dhe partnerëve tanë”, thuhet në njoftim. Rreth 900 trupave amerikanë ndodhen në Siri me mision që të mos lejojnë rikthimin e shtetit Islamik që gjatë vitit 2014 mori në kontroll një pjesë të madhe të Sirisë por dhe Irakut.