Pas denoncimit në emisionin investigativ Fiks Fare se klinika Dermolife, për arsyje përfitimi u merrte para klientëve të saj pa kryer shërbimin, Inspektoriati Shtetëror Shëndetësor ka reaguar menjëherë, ndërsa këtë të enjte ka marrë masa ndaj kësaj klinike. ISHSH ka qenë në këtë klinikë për të inspektuar ambientet e brendshme të saj dhe ka vendosur masën administrative 100 000 lekë si dhe ka mbyllur pjesërisht ambinetin e punës. Dermolife u merrte pacientëve 100 euro për analizat e gjakut, ndërkohë që kampionët e gjakut hidheshin në koshin e mbeturinave, pra nuk kontrolloheshin fare dhe pacientët mernin një përgjigje të gatshme të printuar, që nuk tregonte realisht rezultatin e vërtetë të tyre.