Kryeministri Edi Rama konfirmoi përmes një statusi në rrjetin social facebook miratimin nga Parlamenti Zviceran me 129 vota pro të marrëveshjes për Sigurimet Shoqërore me Shqipërinë, e cila u firmos në Tiranë më 18 shkurt të këtij viti. “Faleminderit Qeverisë Zvicerane, parlamentarëve zviceranë dhe padiskutim ekipeve teknike të përbashkëta, të cilat punuan pa u lodhur për këtë marrëveshje të shumëpritur për shqiptarët që punojnë e kontribuojnë në Zvicrën mike” – shkruan Rama, ndërsa shton se edhe kryeministrja Giorgia Meloni i premtoi se shumë shpejt do të votohet në parlamentin italian edhe marrëveshja e shumëpritur me Italinë.