Banka qendrore e Gjermanisë ka raportuar se në gjysmën e parë të vitit 2024 ka tërhequr nga qarkullimi numrin më të lartë të kartëmonedhave të falsifikuara që nga viti 2017. Në gjashtëmujorin e parë 2024 janë zbuluar më shumë se 38 500 kartëmonedha të falsifikuara, me prerje të ndrushme. vlera e tyre në treg sipas autoriteteve gjermane shkonte në 2.4 milionë euro, krahasuar me vitin 2023 qarkullim i parave false është rritur me 29 për qind. Sipas Bundesbank, kartëmonedhat e falsifikuara që dallohen me shumë janë prerjet 10 dhe 20 euro, ndërsa theksohet se prerja 50 euro është më e zakonshmja tek kartëmonedhat e falsifikuara. Në gjysmën e parë të vitit, kartëmonedhat e falsifikuara 10 euro ishin shumë më të zakonshme se në gjashtë muajt e mëparshëm, por ato përbënin vetëm shtatë për qind të falsifikimit. Ndërkohë kartëmonedhat e falsifikuara 200 dhe 500 euro janë më të rralla, në krahasim me gjysmën e dytë të vitit 2023 dhe përbëjnë vetëm dhjetë për qind të parave që janë konstatuar si të falsifikuara.