Kryeministri izraelit Benjamin Netanyahu tha se Izraeli po i “thyen kockat” Iranit që nga fillimi i ofensivës së përbashkët të udhëhequr nga SHBA-të më 28 shkurt, por e gjithë kjo “nuk ka mbaruar ende”. “Ne synojmë ta udhëheqim popullin iranian drejt thyerjes së zgjedhës së tiranisë, por në fund të fundit varet prej tyre”, tha Netanyahu gjatë një vizite në një qendër urgjence të Ministrisë së Shëndetësisë izraelite mbrëmjen e të hënës. “Nuk ka dyshim se me veprimet e ndërmarra deri më tani, ne po ua thyejmë kockat dhe ne nuk kemi mbaruar ende”, shtoi ai. Përvec Iranit, izraeli ka nisur operacione të mëdha edhe kundër Hezbollahut në Liban. Uhtria izraelite ka lëshuar një urdhër të ri evakuimi për banorët e dy qyteteve bregdetare të libanit, Tiros dhe Sidon, përpara sulmeve ajrore. Sipas zyrtarëve, forcat izraelite do të synojnë infrastrukturën e Hezbollahut në zona specifike të qyteteve në të ardhmen e afërt. Alarmi vjen pas një urdhri të mëparshëm evakuimi për njerëzit në Libanin jugor, duke i nxitur banorët të lëvizin në veri të lumit Litani përpara sulmeve.