Eksportet e Kinës u rritën ndjeshëm në dy muajt e parë të këtij viti, duke sfiduar edhe tarifat e vendosura nga presidenti amerikan, Donald Trump, në mesin e tensioneve tregtare me SHBA-në. Shifrat zyrtare tregojnë se eksportet u rritën me më shumë se 20% në janar dhe shkurt, që është pothuajse trefishi i normës së parashikuar nga ekonomistët. Kjo e vendos vendin në rrugën e duhur për të kapërcyer suficitin rekord vjetor tregtar që shënoi në vitin 2025. Të dhënat janë bërë të ditura në një kohë që Presidenti i SHBA-së, Donald Trump, pritet të vizitojë Kinën në fillim të prillit për t'u takuar me homologun e tij kinez, Xi Jinping. Ekonomia e dytë më e madhe në botë varet shumë nga eksportet, teksa përballet me një sërë problemesh, duke përfshirë shpenzimet e ulëta të konsumatorëve, një popullsi në tkurrje dhe një krizë të tregut të pronave.