Një tragjedi është parandaluar në brigjet greke. Raportohet se roja bregdetare ka shpëtuar 53 emigrantë që po lundronin në një skaf. Sakaq 3 nga 53 emigrantët janë dërguar në spital për të marrë ndihmë mjekësore, ndërsa mësohet se 30 prej tyre janë meshkuj. Autoriteti Portual i Samos ka njoftuar se një skaf me një numër të konsiderueshëm të huajsh në zonën detare në verilindje të Samosit, pranë Kepit Kotsika. Personat që ndodheshin në skaf janë transportuar në port, ku iu dorëzuan efektivëve të Departamentit të Policisë Samos. Bëhet me dije se ka nisur një hetim paraprak për ngjarjen e ndodhur nga Autoriteti Portual i Samos, ndërsa skafi është shkatërruar. Tragjedia e fundit në brigjet e Greqisë është shënuar në qershor të këtij viti, ku dhjetëra njerëz u vranë dhe qindra të tjerë mbetën të zhdukur në anijen, që udhëtonte nga qyteti bregdetar i Tobruk në Libi në Itali.