Gjermania shënoi 80-vjetorin e bombardimeve të Hiroshimës dhe Nagasakit me një paralajmërim të ashpër se lufta bërthamore "nuk mund të fitohet dhe nuk duhet të luftohet kurrë", ndërsa Ministri i Jashtëm Johann Ëadephul dënoi kërcënimet në rritje ndaj rendit global bërthamor. Në një deklaratë të lëshuar të mërkurën, Ëadephul kritikoi Rusinë për përfshirjen në "shantazh bërthamor", duke paralajmëruar se kjo minon dekada të tëra përpjekjesh për kontrollin e armëve dhe përbën një kërcënim për sigurinë globale. "Për fat të keq, ne gjithashtu shohim vende si Rusia angazhohen në shantazh bërthamor, duke vënë kështu në pikëpyetje rendin bërthamor dhe funksionin e tij si një shtyllë qendrore e sigurisë globale", tha Ëadephul. Ai shprehu gjithashtu përkushtimin e Gjermanisë për të siguruar që Irani të mos shtijë në dorë armë bërthamore. Ëadephul riafirmoi angazhimin e Gjermanisë, së bashku me Francën dhe Mbretërinë e Bashkuar, për forcimin e Traktatit të Mospërhapjes së armëve bërthamore. Traktati, i nënshkruar në vitin 1968, synon të parandalojë përhapjen e armëve bërthamore. Me gati 200 nënshkrues, ai është traktati i mospërhapjes bërthamore më i respektuar.