Gati shtatë muaj pas zgjedhjes papë, Leoni i XIV ndërmerr udhëtimin e tij të parë jashtë vendit. Ky udhëtim ka si ndalesë të parë Turqinë dhe perëndon më 2 dhjetor në Liban. Kreu i Kishës Katolike vazhdon kështu angazhimin ndërkombëtar të paraardhësit të tij. Pritet me interes se çfarë theksi do të vendosë Papa i parë amerikan në udhëtimin e tij të parë dhe se si ai do të bëjë dallimin nga paraardhësit e tij. Në Turqi kreu i kishës katolike do të vizitojë kryeqytetin Ankara dhe Stambollin. Ai do të udhëtojë gjithashtu edhe në Iznik rreth 100 km në juglindje, ku 1700 vjet më parë u mblodh këshilli i parë mbarëbotëror i të gjitha kishave. Në Liban janë në program vizita në Bejrut dhe disa vende pelegrinazhi në veri të vendit. Papa Leoni, në fund të udhëtimit të tij do të do mbajë një lutje të heshtur në portin e Bejrutit, pikërisht në vendin ku verën e vitit 2020 ndodhi një shpërthim i tmerrshëm që shkatërroi një lagje të tërë dhe mori rreth 200 jetë njerëzish. Si turqinë, ashtu edhe Libanin i bashkon një histori e vecantë. Njëqind vjet më parë në të dyja këto vende të krishterët përbënin një pjesë të konsiderueshme të popullsisë. Në Turqi rreth një e treta e banorëve i përkiste një kishe, ndërsa në Liban më shumë se gjysma e popullsisë. Sot në Turqi më pak një përqind e njerëzve i përkasin besimit kristian, ndërsa në Liban 30 përqind.