Pandemia e Covid 19 do të vazhdojë të ndikojë negativisht në ekonominë shqiptare, çka reflektohet edhe nga reagimi që vjen prej sektorit bankar. Spas një vrojtimi të Bankës së Shqipërisë për aktivitetin kreditues, bankat tregtare në vendin tonë kanë rritur në rekorde historike perceptimin negativ mbi ekonominë dhe perspektiven e saj. Situata aktuale ekonomike dhe perspektiva kanë rezultuar të përkeqësuara si për bizneset ashtu edhe individët. Si bizneset dhe individët kanë ulur kërkesën për kredi, pasi janë pesimistë për të ardhmen e ekonomisë. Situata e përkeqësuar ekonomike dhe mungesa e paaftësisë paguese janë dy faktorë që i kanë ndikuar shumë negativisht kushtet e financimit me kredi nga bankat, si për biznesin ashtu edhe për individët. Bazuar në gjykimet e bankave, kërkesa e ulët për kredi nga ana e bizneseve në tremujorin e dytë u ndikua nga përkeqësimi i besimit të biznesit; rënia e theksuar e nevojave për financimin e investimeve; situata aktuale ekonomike dhe perspektiva e saj. Perceptimi mbi perspektivën ekonomike shënoi një indeks negativ me 35 për qind, ndërsa besimi i biznesit me mbi 45 për qind duke shënuar rekorde të reja.