Pandemia e Covid 19 në vendin tonë cdo ditë e më shumë po vjen drejt stabilizimit, ku numri i rasteve të infektimit po vje duke u ulur, ndërsa numri i viktimave thuajse është zeruar. Kjo e diele, ka shënuar 42 raste të reja nga 663 testime të kryera në të gjithë vendin. Në Tiranë janë shënuar 19 raste, 3 në Fier dhe Durrës, dhe nga një rast në disa qarqe të tjera. Ministria e Shëndetësisë bëri me dije se sërish nuk është regjistruar asnjë humbje jete si pasojë e koronavirusit. Aktualisht në spitalet COVID po marrin trajtim 43 pacientë, nga të cilët 5 janë në gjendje më të rënduar. Në njoftimin zyrtar bëhet me dije se janë shëruar 89 qytetarë gjatë 24 orëve të fundit, duke e çuar numrin e të shëruarve në 268,359 që nga fillimi i epidemisë. Ndërkohë, ulja e numrit të infekimit ka sjellë gjithashtu uljen e bilancit të rasteve aktive në vend. Aktualisht në të gjithë vendin janë 819 pacientë aktivë me COVID-19.