Lufta në Gaza është e pamëshirshme, saqë herë-herë duket si argëtuese për forcat ushtarake! Ky është momenti kur ushtarët izraelitë, bombardojnë një shkollë në Gaza dhe shkrihen gazit. Nga shpërthimi, nuk raportohet për viktima, gjë që nuk është e pazakontë duke pasur parasysh evakuimet masive që janë bërë në qytet dhe në të gjithë veriun e Enklavës. “Ndoshta është në veri të Rripit të Gazës. Ne nuk e dimë nëse njerëzit ishin strehuar në shkollë kur u godit. Të gjitha rregullat e luftës janë thyer”, njoftojnë autoritetet. Izraeli ka nisur ofensivën ndaj militantëve të Hamasit, pasi këta të fundit kryen një sulm terrorist në territoret izraelite. Ndërkohë ushtria izraelite ka njoftuar se numri i të vdekurve të ushtarëve në Gaza ka shkuar në 115. Ndërsa mediat atje, shkruajnë se disa liderë të Hamasit janë larguar nga Katari drejt një destinacioni të panjohur, dhe kanë fikur telefonat.