Temepraturat e larta kanë ulur efikasitetin e punës në pallatin e drejtësisë në Prishtinë. Mungesa e funksionimit të njërës prej pomave të kondicionerit, sipas Kosova Press, po shkakton probleme në këtë institucion pasi janë raportuar edhe raste të alivanosjes së punonjësve. Shoqata Sindikaliete e gjhykatës themelore nuk e përkashtin mundësinë e një proteste. Ndërsa, Këshilli Gjyqësor i Kosovës (KGjK) ka autorizuar kryetarët e Gjykatës Supreme, Gjykatës së Apelit, Gjykatës Komerciale dhe Gjykatës Themelore në Prishtinë që të vlerësojnë kushtet e punës, duke shqyrtuar mundësinë e pezullimit apo reduktimit të punës. Zëdhënësja e Gjykatës Themelore në Prishtinë, Mirlinda Gashi deklaroi se temperaturat e larta kanë shkaktuar ambient të papërballueshëm për punonjësit në Pallatin e Drejtësisë.