Qeveria e Kosovës duket se po përgatitet për një tjetër hap në vendosjen e reciprocitetit me Serbinë, duke e paditur zyrtarisht për krime lufte. Mediat në Prishtinë shkruajnë duke cituar burime qeveritare se kabineti i Albin Kurtit po përgatit, ashtu sicc edhe kishte paralajmëruar pas marrjes së mandatit të dytë, padinë ndaj Beogradit. Sipas planit të Kurtit, Prishtina do ngrejë padi ndaj Serbisë për krime lufte në Gjykatën Ndërkombëtare. Sipas qeverisë, fillimisht do ngrihet Instituti për Krimet e Luftës që janë kryer nga Serbia dhe më pas padia do të dërgohet zyrtarisht në Hagë. Hapi vjen ndërkohë që ish-komandantët e luftë së Kosovës ndodhen në paraburgim në Hagë, nën akuza për krime lufte.