11 personat që u arrestuan në kuadër të operacionit “Poker 2”, dolën këtë të premte përpara Gjykatës së Tiranës për tu njohur me masën e sigurisë. Prokurori i ccështjes kërkoi nga trupi gjykues caktimin e masës së lehtë “detyrim paraqitje” për të gjithë grupin, kërkesë e cila u pranua nga togat e zeza. 3 ditë më parë, shërbimet policore të komisariatit numër 2 arrestuan shtetasit Ylard Lala, Rexhep Noka, Eglantin Fejzaj, Nikolin Prenga, Fatmir Rumani,Arbjon Tocilla, Marjan Ndoj, Henrik Bruka, Romario Kodra, Erjola Vllahu dhe Cen Mehmetaj. Këtë persona u kapën në flagrancë duke organizuar lojëra fati ne kundërtim me ligjin, në një lokal në rrugën "Andon Zako Çajupi", në kryeqytet. Ylard Lala ishte administrator i këtij lokali. Lidhur me të njëjtin operacion, 7 persona, në mesin e të cilëve edhe një 34 vjecare, u proceduan ne gjendje të lirë për moskallëzim krimi. Nga kontrollet që u ushtruan në lokal, policia gjeti dhe sekuestroi 1 tavolinë pokeri dhe çipsa, aparate celulare, dhe shuma të ndryshme parash të përfituara nga kjo veprimtari. Të gjitha provat u sekuestruan në cilësinë e provave materiale ku iu referuan prokurorisë për hetimin e kryer.