Pasi bllokoi parlamentin dhe pengoi zhvillimin e seancës plenare së bashku me ish kryeministrin Sali Berisha, Gazment Bardhi është shprehur se janë të detyruar të sillen në këtë mënyrë, pasi sipas tij mazhoranca i ka mbyllur opozitës të gjitha rrugët institucionale. ‘Ashtu siç e kam njoftuar pas mbledhjes së grupit parlamentar të PD, situata ku mazhoranca ka përfshirë kuvendin është e papranueshme. Kanë rrëzuar me zero argumente për rrëzimin e Komisioneve Parlamentare. Jemi detyruar që sot, të nxituri të krijojmë të mos lejojmë zhvillimin e seancës plenare. Ne donim të përballnim idetë sot, mirëpo kur i mbyll opozitës çdo rrugë institucionale. Sigurisht që s’mund të vijojmë ashtu. Nuk presim të na njohë asnjë deputet, E kanë zgjedhur me votim Çuçin, se kush është te opozita e vendos PD. Ne do të qëndrojmë aq sa është e nevojshme duke kërkuar që PS të reflektojë mbi sjelljen autoritare që ka mbi Kuvendin e Shqipërisë. Ne sot do pengojmë vijimin normal të seancës. Ne do vazhdojmë të qëndrojmë deri kur të kemi një njoftim për seancën sotme.’