Më shumë se 70 persona, mes tyre 25 anëtarë të Gardës Kombëtare, mbetën të vrarë gjatë operacionit për kapjen e Nemesio Oseguera Cervantes, i njohur si “El Mencho”, i cili më pas mbeti i vrarë. Vdekja e kreut të kartelit më të fuqishëm të drogës shkaktoi një valë dhune në disa shtete të Meksikës. Dhuna përfshiu jo vetëm Puerto Vallartën, por edhe qytete e zona rurale në 19 shtete të tjera të vendit. Anëtarët e kartelit bllokuan rrugë, dogjën automjete dhe përhapën panik në shenjë hakmarrjeje pas vrasjes së udhëheqësit të tyre, i konsideruar si njeriu më i kërkuar në Meksikë. Ngjarjet të rënda u shënuan të martën edhe në qytetin turistik të Puerto Vallarta, ku 23 të burgosur arritën të arratisen nga burgu lokal mes trazirave të shkaktuara nga anëtarët e kartelit. Sipas autoriteteve, persona të armatosur përplasën një automjet në portën e burgut, duke krijuar mundësinë për arratisjen e të dënuarve. Deri më tani, identiteti i tyre nuk është bërë publik. Policia ka nisur një operacion të gjerë kërkimi, ndërsa sekretari i sigurisë për shtetin deklaroi se po bashkëpunohet me vende të tjera për kapjen e të arratisurve.