Përpara Bashkisë së Tiranës u zhvillua këtë të martë ceremonia përkujtimore me rastin e 4-vjetorit të nisjes së sulmeve ndaj Ukrainës ku kanë humbur jetën shumë njerëz. I pranishëm në aktivitet ishte dhe ambasdori I Ukrainës, Volodymyr Shkurov I cili rikujtoi se 24 shkurtin e katër viteve më parë, bota u përball me një realitet tronditës. Katër vite më parë, në mëngjesin e 24 shkurtit, bota u zgjua përballë një realiteti të tmerrshëm që shumë besonin se ishte lënë përgjithmonë në të kaluarën. Rusia nisi një luftë agresioni që synonte shkatërrimin e një shteti sovran dhe heshtjen e një kombi të lirë. Kjo luftë nuk ishte zgjedhja e Ukrainës. Ukraina nuk zgjodhi luftën, por zgjodhi rezistencën. Për katër vite, populli im ka mbrojtur të drejtën themelore për të jetuar. Ne po mbrojmë jo vetëm tokën dhe shtëpitë tona, por edhe parimet mbi të cilat është ndërtuar siguria evropiane dhe euroatlantike: sovranitetin, lirinë dhe të drejtën e kombeve për të përcaktuar të ardhmen e tyre.