Parandalohet një ngjarje e rëndë kriminale e cila mund të përfundonte në vrasje të trefishtë. Kjo është bërë e mundur pas operacionit policor të koduar "Parandalimi", teksa është vënë në pranga forcat e ndërhyrjes së shpejtë dhe policia lokale një 36 vjecar nga Fieri. Në pranga është vënë edhe një tjetër person, që ka ndihmuar autorin e krimit që fatmirësisht që mbeti në tentativë. Shërbimet e Drejtorisë Vendore të Policisë së Fierit, pas marrjes se një shtetas po qarkullonte me armë zjarri kallashnikov në qytet dhe dyshohej se mund të kryente një vrasje të trefishtë, menjëherë organizuan punën duke zhvilluar operacionin policor të koduar "Parandalimi". Përgjatë natës dhe paradites së të shtunës është rrethuar zona dhe janë zhvilluar dhjetra kontrolle në ambiente, në rrugë, në automjete me pika kontrolli, në banesa të braktisura, në disa banesa të të afërmëve të personit të dyshuar, pasi personi i dyshuar në momentin që ka parë që po afroheshin shërbimet e policisë ka mundur të largohet në rrugët e brendshme të lagjeve të qytetit duke përfituar dhe nga errësira.