Top News – Operacionet antihashash në veri/ Në kërkim e moshuara në Shkodër dhe 33 vjeçari në Mat

Dy operacione antidrogë u zhvilluan nga policia në Mat dhe Shkodër, për goditjen e kultivimit të lëndëve narkotike. Si pasojë e kontrolleve të shumta të ushtruara në të gjitha zonat e Matit, shërbimet e policisë gjetën një tjetër sasi lëndë narkotike të llojit kanabis, në një zonë të pyllëzuar në fshatin Macukull. Në sajë të fazës së dytë të operacionit të koduar “Kreshta të pastra”, uniformat blu gjetën dhe asgjësuan përmes djegies 350 bimë kanabis dhe kapën në flagrancë personin që dyshohet se i kishte kultiviuar këtio bimë.