Disa persona janë arrestuar nga policia italiane, pasi akuzohen për trafik ndërkombëtar të lëndëve narkotike. Policia italiane bën me dije se në pranga kanë rënë 8 persona, mes tyre 5 shqiptarë me banim në Itali. Emrat e tyre nuk bëhen me dije ndërsa I vetmi informacin i bërë publik është mosha e tyre. Shqiptarët e arrestuar janë të moshave 24 deri në 39 vjeç, është arrestuar një Italian i moshës 50 vjec, banues në Itali, si dhe janë vënë në pranga 2 shtetas banues në Zvicër të moshave 30 dhe 50 vjec. Arrestimi I tyre erdhi si paosjë e një hetimi kundër trafikut të drogës. Të gjithë dyshohet se kanë marrë pjesë një trafik të rëndësishëm kokaine mes Shqipërisë, Italisë dhe Kantonit të Ticinos. Gjatë operacionit policor, u gjetën dhe sekuestruan 250 gramë lëndë narkotike dhe disa mijëra franga cash.Të gjithë personat u arrestuan në kantonin Ticino me akuzën se kanë qenë pjesë, për arsye të ndryshme, në një trafik të rëndësishëm kokaine mes Shqipërisë, Italisë dhe Zvicrës. Veprat kryesore janë shkeljet e rënda dhe shkeljet e ligjit federal për drogën, si dhe pastrimi i parave. Hetimi është i koordinuar nga prokurorja publike Margherita Lanzillo.