"Legjislacioni i ri krijon precedent të rrezikshëm global," thotë komisioneri i lartë i OKB-së për të drejtat e njeriut për miratimin e ligjit për Ruandën. Komisioneri i Këshillit të Evropës për të drejtat e njeriut, tha se miratimi i projektligjit ishte një kërcënim për sistemin ligjor global që mbron refugjatët. Filippo Grandi, komisioneri i lartë i OKB-së për refugjatët tha se legjislacioni i ri është larg traditës së Mbretërisë së Bashkuar për t'u ofruar strehim atyre në nevojë, në kundërshtim me Konventën e Refugjatëve. Mbrojtja e refugjatëve kërkon që të gjitha vendet të respektojnë detyrimet e tyre. Kjo marrëveshje, sipas ekspertëve synon të zhvendosë përgjegjësinë për refugjatët, duke reduktuar aftësinë e gjykatave të Mbretërisë së Bashkuar për të shqyrtuar vendimet e largimit.