Operacioni Forca e Ligjit në vijim të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, i ka nisur kërkesat me shkrim për vetëdeklarimin e burimeve të pasurisë, tre shtetasve të dënuiar me banim në tiranë. letrën e OFL-së e kanë marrë Gëzim Alimehmeti, i dënuar për veprën penale “Trafikimi i narkotikëve”, mbetur në tentativë; Artur Koleci i dënuar për veprën penale “Trafikimi i narkotikëve”; Edmond Shkalla i dënuar për veprën penale “Shfytëzimi i prostitucionit”. Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme. OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.