Operacioni Forca e Ligjit ëshët fokusuar në zonën e Shkodrës këtë të premte. OFLu ka kërkuar katër personave banues në qarkun e Shkodrës të plotësojnë formularët e vetëdeklarimit të pasurisë. Këta janë: Fran Marinaj, banues në Malësi të Madhe, i dënuar për veprat penale “Trafikimi i narkotikëve” dhe “Organizata kriminale”. Dorian Dulaj, banues në Shkodër, i dënuar për veprën penale “Vrasja me dashje”, kryer në bashkëpunim, mbetur në tentativë. Mondi Ramaj banues në Velipojë, Shkodër, i dënuar në Itali, për veprën penale “Vjedhja e kryer në rrethana rënduese” dhe Gëzim Vajushi, banues në Shkodër, i dënuar për veprat penale “Grupi i strukturuar kriminal”, “Shtrëngim me anë të kanosjes ose dhunës për dhënien e pasurisë” dhe “Kryerja e veprave penale nga organizata kriminale apo grupi i strukturuar kriminal”. Të katërt këta persona janë të detyruar ta plotësojnë formularin me shkrim brenda 48 orëve dhe më pas përgjigjet do t'u dërgohen Strukturës së Posaçme Anti Korrupsion.