Ushtria amerikane aktualisht po devijon fonde të destinuara për operacione në evropë dhe afrikë, për të ndihmuar Ukrainën, dhe shumë shpejt mund të mbetet me arkat bosh për operacionet e saj në këto pjesë të botës, nëse Kongresi nuk do të veprojë shpejt. SHBA po kanalizon aktualisht qindra miliona dollarë për të ndihmuar Ukrainën në mesin e bllokimit në kongres. Që nga fillimi i këtij viti fiskal, në tetor 2023, ushtria ka shpenzuar më shumë se 430 milionë dollarë për operacione të lidhura me ukrainën, përfshirë trajnimin e trupave ukrainase, transportimin e armëve dhe dislokimin e trupave amerikane në evropë. Trupave në evropë dhe komandës afrikane, i kanë mbetur rreth 3 miliardë dollarë për të mbuluar kostot operacionale që pritet të shkojnë në 5 miliardë dollarë në 2024-ën, thotë një zyrtar i lartë i ushtrisë për CNN, dhe mund të mbeten pa para në maj. Për muaj të tërë ligjvënësit amerikanë po kërkojnë një mënyrë për të kapërcyer bllokimin e paketës shtesë për ukrainën. Por ndërsa fondet amerikane për ukrainën janë ndalur, trajnimi i trupave ukrainase ka vazhduar. Aktualisht SHBA po trajnon rreth 1500 trupa ukrainase në gjermani dhe po trajnon pilotët ukrainas për të përdorur avionët luftarakë F16, në bazën ajrore të rojës kombëtare në Arizona.