Ukraina nuk do të heqë dorë nga asnjë territor i saj për tu anëtarësuar në NATO. Sekretari i përgjithshëm i aleancës së atlantikut verior, Jens Stoltenberg, mbi këtë temë ka një pozicion të qartë. Këtë e ka përforcuar edhe ministri i jashtëm ukrainas, Dmytro Kuleba, gjatë një interviste televizive në të cilën komentoi deklaratat e bëra dy ditë më parë nga shefi i kabinetit të Stoltenbergut, Stian Jenssen, sipas të cilit, ukraina mund të bëhet anëtare e aleancës në këmbim të heqjes dorë nga territoret që aktualisht janë të pushtuara nga rusia. Por edhe vetë Jenssen, më pas, i është rikthyer këtyre deklaratave duke kërkuar ndjesë për cka kishte thënë dhe duke i cilësuar fjalët e tij, ‘një gabim’. Kuleba ka nënvizuar sidoqoftë se stoltenberg dhe Jennsen janë persona të ndryshëm dhe ka përsëritur se pozicioni i sekretarit të përgjithshëm mbetet i pandryshuar. “Unë mendoj se zgjidhja do të ishte që Ukraina të hiqte dorë nga disa territore dhe të merrte në këmbim anëtarësimin në NATO”, tha Jensen dy ditë më parë, duke nënvizuar diskutimet për statusin e pas luftës së ukrainës, që vazhdojnë në qarqet diplomatike.