Japonia ka rinumëruar ishujt e saj dhe ka zbuluar se ka 7 mijë më shumë nga sa mendonte më parë. Harta digjitale e realizuar nga autoriteti i informacionit gjeospacial i Japonisë, së fundmi zbuloi se kishte 14125 ishuj në territor japonez, dy herë më shumë se shifra prej 6852 ishujsh që pranohej zyrtarisht në një raport të rojës bregdetare japoneze të vitit 1987. Sidoqoftë, ekspertët këtë javë nënvizuan se shifra e re reflekton avancimin në teknologjinë e vrojtimit ndërkohë që nuk ka ndryshuar zona totale që japonia posedon. Shifra e re nuk përfshin po ashtu asnjë ishull të krijuar në mënyrë artificiale...Ishujt që rrethojnë japoninë, në fakt, kanë qenë në thelb të disa mosmarrëveshjeve territoriale. Japonia ka pretendime për ishujt Kuril në jug, që janë nën kontroll rus, që Tokio i quan territore veriore, dhe përplasja për ta daton që nga fundi i luftës së dytë botërore kur trupat sovjetike ua morën ato japonisë. Kjo e fundit ka edhe pretendime historike për ishujt e pabanueshëm Senkaku, në detin e kinës lindore, që aktualisht i ka në administrim por Kina në vazhdimësi e ka sfiduar këtë pretendim. Ndërkohë, japonia dhe koreja e jugut janë të mbërthyera në një përplasje 70 vjecare për sovranitetin e një grupi ishujsh të njohur si Dokdo nga Seuli dhe Takeshima nga Tokio në detin e japonisë, që koreja e quan deti lindor.