“Protestat në vendin e tij, mbështetësit e tij që sulmojnë ushtarët e KFOR-it dhe një figurë e errët në krye të inteligjencës; pavarësisht gjithë kësaj, presidenti serb, Aleksander Vucic, konsiderohet ende një partner i rëndësishëm për negociata në perëndim. Dhe presidenti rus, Vladimir Putin, me gjasë është i kënaqur me këtë”. Kështu shkruan revista gjermane Der Spiefel në një artikull për serbinë që tolerohet në mënyrë të habitshme nga komuniteti ndërkombëtar. Sipas revistës, veprimet e beogradit dhe gjuha e përdorur nga Aleksander Vucic mund ti vënë flakën ballkanit. Sulmi mbi ushtarët e KFOR në pjesën veriore të Kosovës, blerja e armëve nga Kina dhe qëndrimi ndaj rusisë, janë zhvillime që duhet të kishin nxitur një reagim të ndryshëm nga brukseli dhe Uashingtoni. Media gjermane nënvizon se është e pakuptueshme se si, pavarësisht të gjitha këtyre problemeve, një pjesë e diplomacisë perëndimore e sheh vucicin si faktor stabilizues. Artikulli përmend edhe shefin e shërbimit sekret serb, Aleksander Vulin, që është i njohur si mbështetës i flaktë i rusisë dhe rregullisht bën thirrje nacionaliste kundër vendeve të tjera në rajon gjatë fushatave zgjedhore. Vulin flet për botën serbe ashtu si vladimir putin flet për botën ruse. Siaps medias gjermane, shefi i shërbimit sekret shpesh thotë në publik atë që nuk mundet ta thotë vetë Vucici. Revista gjermane tregohet e ashpër edhe me të dërguarin e BE-së për dialogun mes kosovës dhe serbisë, Miroslav Lajcak.