Një vajzë shqiptare me banim në Greqi prej shumë vitesh së bashku me familjen e saj është zhdukur prej muajsh dhe ende nuk ka asnjë gjurmë për gjetjen e saj. Artemis Vasilis u zhduk që prej 19 tetorit dhe që prej asaj dite e deri më tani, familja nuk ka asnjë informacion, nëse është gjallë, apo e kanë vrarë. Për këtë cështje ka pasur dëshmi kontradiktore, duke bërë që edhe policia greke të mos jetë e qartë në atë se cfarë kërkon, por edhe në vendet e mundshme të fshehjhes, apo mbajtjes së saj peng. Dëshmitarë të ndryshëm që pretendojnë se e kanë parë atë para rrëmbimit, pamjet nga kamerat e sigurisë, telefoni i saj dhe telefonatat e të panjohurve që i kërkojnë familjes 5 mijë Euro janë disa nga elementët që shtojnë misterin për këtë ngjarje. Artemis u largua nga banesa për një intervistë pune, por nuk u kthye më në banesë dhe mediat në Greqi shkruajnë se tashmë kjo zhdukje është kthyer në një ngjarje misterioze. Familjarët e saj nuk duan të besojnë se ajo mund të jetë vrarë dhe shprehet se ajo është gjallë dhe po mbahet me forcë larg tyre, por nuk mund të thonë se pse rrëmbyesit po e bëjnë këtë gjë. Zhdukja e Artemis po kthehet në makth. Familjarët thonë se një fëmijë 19-vjeçar nuk mund të inskenojë një zhdukje të tillë kaq të përsosur.