Sot është përkujtuar një vjetori i ndarjes nga jeta të Klodian Rashës. 25 vjecari u vra me armë zjarri nga efektivi I policisë Nevaldo Hajdaraj, rreth orës 01:45 të natës në rrugën "Dritan Hoxha" në Tiranë. Në orët e para të mëngjesit efektivët Erion Gjore dhe Nevaldo Hajdaraj patrrullonin në zonën e Zogut të Zi, ndërsa panë jashtë orarit të lejuar Klodian Rashën, të cilin tentuan ta ndalonin. Dy efektivët e policisë I shkuan nga pas klodianit për ti kërkuar llogari për shkeljen e orarës policore, por 25 vjecaari ka vrapuar, gjë që ka shtyrë efektivin Nevaldo të qëlloj drejt tij, duke e lënë të vdekur. Gjykata e Tiranës dënoi vetëm me 10 vite burg Nevaldo Hajdarajn, efektivin e Shqiponjave që vrau Klodian Rashën, me një plumb pas shpine vetëm se shkeli orën policore. Vrasja e 25 vjeçarit shkaktoi reagime të shumta në Shqipëri. Babai i Klodianit kërkoi që drejtësia të vihej në vend. Gjithashtu pati reagime nga politikanë dhe figura të tjera publike që dënuan vrasjen e Klodian Rashës. Ministri i Brendshëm, Sandër Lleshaj u shpreh se ngjarja duhej të zbardhej sa më shpejt. Protesta kundër policisë dhe qeverisë u zhvilluan në Tiranë dhe Shkodër. Më 9 dhjetor 2020 në orët e mbrëmjes u zhvillua një protestë e dhunshme përpara godinës së Ministrisë së Brendshme dhe Kryeministrisë. Protestuesit kërkuan dorëheqjen e ministrit Sander Lleshaj si dhe drejtësi për Klodianin. Gjatë protestës, protestuesit qëlluan godinat qeveritare me gurë dhe sende të tjera të forta. Gjithsej tetë oficerë policie u lënduan gjatë përplasjeve fizike me protestuesit. Në fund, protesta u shpërnda nga policia me anë të gazit lotsjellës.