Pasditen e një viti më parë një tërmet, për të cilin u tha se ishte më i forti në harkun e 40 viteve të fundit goditi Tiranën, ndërsa u ndje edhe në shumë zona të tjera të vendit, por më pas ndodhi një tjetër tërmet në 26 nëntor, duke shënuar një tjetër ngjarje të rëndë sizmike në Shqipëri. Sipas buletinit që lëshoi Instituti i Gjeoshkencës në muajin shtator të vitit të kaluar, Rrjeti Sizmologjik i Shqipërisë regjistroi sizmitetin e nivelit më të lartë në dekadat e fundit. Epiqendra e këtij tërmeti është lokalizuar 12 km në veri të qytetit të Durrësit. Gjatë muajit shtator janë lokalizuar 120 tërmete me magnitudë që varion nga 1.1 në 5.8 të shkallës rihter.