Kryeministri Edi Rama dhe ministrja e Infrastrukturës Belinda Balluku kanë inspektuar punimet në By-Passin e Vlorës, segment ky që është hapur për të lehtësuar ngarkesën dhe ngjeshjen e trafikut, sidomos në këtë sezon ku pushuesit drejtohen drejt jugut. Ky segment do të shkurtojë dhe do të lehtësojë lëvizjen si dhe do tu ofrojë udhëtarëve një pamje te bukur pëergjatë bregdetit të jugut. “Një prej veprave më spektakolare të infrastrukturës sonë kombëtare, e cila do të shkurtojë lëvizjen, nxisë zhvillimin e një tjetër zone plot potenciale dhe sigurisht do t'u ofrojë udhëtarëve pamje nga më të bukurat drejt bregdetit të jugut, tanimë është në prag të përfundimit, por e hapur për lëvizjen e pushuesve”, ka shkruan kryeministri Edi Rama në Facebook. Ministrja Balluku informoi kreun e vendit mbi ecurinë e punimeve, ndërsa përfaqësuesit e kompanisë ndërtuese u shprehën se brenda vitit ky aks do të përfundojë plotësisht. Nga ana tjetër, Policia e Shtetit tha se do të ketë forcat e nevojshme të policisë për të mbikëqyrur trafikun në këtë qarkullim, edhe me radarë për shkak se është një rrugë e re dhe e panjohur për drejtuesit e mjeteve dhe kjo mund të shfaqë problematika.