Të përballur aktualisht me një nga krizat ekonomike më të rënda në botë, libanezët mund ta gjejnë veten tani edhe përballë një tjetër sfide, dy zonave të ndryshme kohore. Qeveria e Libanit ka vendosur të shtyjë ndryshimin e orës. Ora ligjore do të hyjë në fuqi në mesnatën e 20 prillit, ndryshe nga pjesa tjetër e botës. Nuk është dhënë asnjë shpjegim zyrtar për këtë lëvizje edhe pse mediat lokale kanë sugjeruar se kjo është bërë për shkak të ramazanit. Por sidoqoftë, vendimi po përballet me një revoltë të vërtetë, me dy kanale televizive që kanë bërë përpara me ndryshimin e orës në shënjë proteste. MTV Lebanon dhe LBCI Lebanon thonë se do të refuzojnë të bashkëpunojnë me qeverinë dhe kanë vendosur të bëjnë përpara duke ndërruar tashmë orën. Pas njoftimit, Middle East Airlines tha se do të ndryshonte oraret e të gjithë fluturimeve për një muaj, duke i cuar ato përpara me një orë. Ajo që e shton më shumë konfuzionin, është edhe fakti se qeveria nuk ka thënë ende nëse ka informuar apo jo zyrtarët përgjegjës për sinkronizimin e orëve në telefonat celularë, laptopë dhe mjete të tjera elektronike për ndryshimin.