Në festimet për ditën e Pavarësisë nuk munguan as momentet e veçanta. Një ushtar francez i propozoi për martesë partneres në Champs Elysees përpara se presidenti Emmanuel Macron të parakalonte aty në paradën e Ditës së Bastijës. Mes emocioneve dhe publikut, ushtari me veshje ceremoniale, u ul në gjurin e djathtë dhe i foli së dashurës përpara se t’i vendoste unazën në dorën e majtë. Pamjet janë publikuar nga llogaria zyrtare në Twitter e këmbësorisë franceze. Në video ushtari shihet i gjunjëzuar në bulevard, dhe shtypi francez shkruan se kjo është hera e parë që ndodh. Kur ushtari dëgjon "po"-në nga e dashura e tij, ai i vendos asaj unazën, ngrihet, dhe heq maskën e zezë për ta puthur. “Gjithçka është e mundur për ushtarët tanë në ditën e festës kombëtare. Përgëzime”, shkruhet në profilin zyrtar të ushtrisë franceze.